ព្រះពិត
តើព្រះជានរណា?
ពីអាតូមតូចៗរហូតដល់កាឡាក់ស៊ីដ៏ធំ ពីកោសិកាសាមញ្ញបំផុតរហូតដល់សារពាង្គកាយស្មុគស្មាញបំផុត អ្វីគ្រប់យ៉ាងនៅក្នុងសកលលោកធ្វើជាសាក្សីចំពោះអត្ថិភាពនៃអ្នករចនាដ៏ឆ្លាតវៃបំផុត។
ព្រះ គឺជាអ្នករចនាដ៏អស្ចារ្យបំផុត
ព្រះអាទិត្យ ព្រះច័ន្ទ និងផ្កាយត្រូវបានបង្កើតឡើងដោយព្រះបន្ទូលរបស់ទ្រង់ មហាសមុទ្រ ភ្នំ និងទន្លេត្រូវបានបង្កើតឡើងដោយការបញ្ជារបស់ទ្រង់។
ព្រះជាអ្នកផ្តល់ជីវិត
ទ្រង់បានបង្កើតត្រី សត្វស្លាប សត្វជើងបួន សត្វលូនវារ និងរុក្ខជាតិ។ ហើយសំខាន់បំផុត ទ្រង់បានបង្កើតមនុស្សតាមរូបភាពរបស់ទ្រង់។ ទ្រង់បានធ្វើឲ្យយើងក្លាយជា អ្នកមានចំណែកជាមួយលក្ខណៈរបស់ទ្រង់ និងដើម្បីចូលរួមក្នុងសិរីល្អរបស់ទ្រង់ ។ វាជាការគួរឲ្យសោកស្តាយមួយ ដែលយើងភាគច្រើនមិនចង់ទទួលស្គាល់ព្រះអម្ចាស់ដែលបានបង្កើតអ្វីៗទាំងអស់ ហើយមិនព្រមរស់នៅជាកូនរបស់ទ្រង់នោះទេ។
ព្រះជាអ្នករៀបចំគ្រប់ទាំងអស់
ទ្រង់រក្សាសកលលោក និងវដ្តអេកូឡូស៊ីដោយបញ្ញត្តរបស់ព្រះអង្គ ហើយរក្សានូវដំណើរនៃជីវិតទាំងឡាយ។ ទ្រង់បានសំរេចកំណត់ពេលវេលា ដែលបានតាំងជាមុន និងព្រំទីលំនៅរបស់គេគ្រប់គ្នា «ដើម្បីឲ្យគេស្វែងរកព្រះ ក្រែងគេនឹងរកទ្រង់ឃើញ ដោយខំរាវរកមែននោះទេដឹង ទោះបើទ្រង់មិនគង់ឆ្ងាយពីយើងនិមួយៗក៏ដោយ » (កិច្ចការ ១៧.២៧) ។
ប្រសិនបើអ្នកគិតយ៉ាងម៉ត់ចត់អំពីជីវិតរបស់អ្នក អ្នកអាចឃើញថាមានរឿងខ្លះកើតឡើងដូចជានៅក្រៅការគ្រប់គ្រងរបស់អ្នក ឬត្រូវចាត់ចែងដោយ “កម្លាំងដ៏ខ្លាំងមួយផ្សេងទៀត”។ ព្រះមានផែនការសម្រាប់យើងម្នាក់ៗ។ គន្លឹះ គឺថាតើយើងសុខចិត្តទទួលយកទ្រង់ចូលក្នុងជីវិតរបស់យើង ហើយប្រគល់ជីវិតរបស់យើងទៅទ្រង់ដែរឬទេ។