ព្រះវិញ្ញាណបរិសុទ្ធ
ហេតុអ្វីខ្ញុំត្រូវការព្រះវិញ្ញាណបរិសុទ្ធ?
ការរស់នៅក្នុងសង្គមបច្ចុប្បន្នមិនងាយស្រួលទេ។ តើយើងអាចរក្សាភាពបរិសុទ្ធបានយ៉ាងដូចម្ដេច បន្ទាប់ពីយើងបានសម្អាតដោយព្រះលោហិតរបស់ព្រះយេស៊ូវ? លោកីយ៍ពោរពេញដោយអំពើបាប ការបំភ្លៃ និងបំភាន់គំនិត ហើយមនុស្សតែងតែត្រូវបានជំរុញដោយបំណងប្រាថ្នារបស់ពួកគេផ្ទាល់។ កាលណាមនុស្សគ្រប់គ្នា ដើរតាមផ្លូវ ក្នុងទិសដៅខុសពីពួកយើង ពេលនោះ ក្លាយជារឿងពិបាកក្នុងការដើរតាមលំអានដានរបស់ព្រះគ្រីស្ទ។
ព្រះអម្ចាស់យេស៊ូវយល់អំពីឧបសគ្គដែលពួកអ្នកដើរតាមទ្រង់ជួបប្រទះ ហើយអាចជួបប្រទះការបៀតបៀន និងការរងទុក្ខដោយសារព្រះនាមទ្រង់។ ទ្រង់បានដឹងថា ពួកគេត្រូវការអំណាចរបស់ទ្រង់គង់នៅជាមួយ។ ដូច្នេះ មុនពេលសុគត ព្រះអម្ចាស់បានប្រទានការសន្យាមួយដល់ពួកគេ។
អ្នកត្រូវសង្ឃឹមឡើង៖:
« បើសិនជាលោកីយ៍ស្អប់អ្នករាល់គ្នា នោះអ្នករាល់គ្នាដឹងហើយ ថាគេបានស្អប់ខ្ញុំជាមុន បើអ្នករាល់គ្នាជារបស់ផងលោកីយ៍ នោះលោកីយ៍នឹងស្រឡាញ់អ្នករាល់គ្នា តែដោយព្រោះខ្ញុំបានរើសចេញពីលោកីយ៍មក ហើយអ្នករាល់គ្នាមិនមែនជារបស់ផងលោកីយ៍ទៀត នោះបានជាលោកីយ៍ស្អប់អ្នករាល់គ្នាវិញ” (យ៉ូហាន ១៥.១៨-១៩)។
« ខ្ញុំប្រាប់សេចក្តីទាំងនេះ ដល់អ្នករាល់គ្នា កំពុងដែលនៅជាមួយគ្នានៅឡើយ តែព្រះដ៏ជាជំនួយ គឺជាព្រះវិញ្ញាណបរិសុទ្ធ ដែលព្រះវរបិតានឹងចាត់មក ដោយនូវឈ្មោះខ្ញុំ ទ្រង់នឹងបង្រៀនអ្នករាល់គ្នា ពីគ្រប់សេចក្តីទាំងអស់ ក៏នឹងរំឭកពីគ្រប់ទាំងសេចក្តី ដែលខ្ញុំបានប្រាប់ដល់អ្នករាល់គ្នាដែរ ខ្ញុំទុកសេចក្តីសុខនៅនឹងអ្នករាល់គ្នា គឺខ្ញុំឲ្យសេចក្តីសុខសាន្តរបស់ខ្ញុំដល់អ្នករាល់គ្នា ហើយដែលខ្ញុំឲ្យ នោះមិនមែនដូចជាលោកីយ៍ឲ្យទេ កុំឲ្យចិត្តអ្នករាល់គ្នាថប់បារម្ភ ឬភ័យឡើយ » (យ៉ូហាន ១៤.២៥-២៧។ )
ព្រះវិញ្ញាណបរិសុទ្ធ គឺជាព្រះវិញ្ញាណនៃសេចក្តីពិត ទ្រង់មានអំណាចដើម្បីពង្រីកការយល់ដឹងមានកម្រិតរបស់យើង ដើម្បីយល់អំពីព្រះហឫទ័យ និងផ្លូវរបស់ព្រះ (២កូរិនថូស ២.១១)។ ព្រះវិញ្ញាណបរិសុទ្ធអាចកែប្រែជីវិតរបស់យើង ឲ្យយើងយកឈ្នះលើការល្បួង ដែលមកពីសាច់ឈាម និងរស់នៅក្នុងជីវិតដែលបង្កើតផលផ្លែ (រ៉ូម ៨.១៣)។ ព្រះវិញ្ញាណបរិសុទ្ធអាចញែករាស្ដ្ររបស់ព្រះចេញពីមនុស្សលោកីយ៍ រស់នៅដោយជីវិតបរិសុទ្ធ ហើយដៅចំណាំយើងរហូតដល់យើងចូលទៅក្នុងនគររបស់ព្រះ (១កូរិនថូស ៦.១១; ២ថែស្សាឡូនីច ២.១៣; ២កូរិនថូស ១.២២; អេភេសូរ ១. ១៣-១៤)។